fasheon

منَــِـِـور بوجودًك فيِ المنَتدىِ يآ زائر لـا أح ـلل من يأخذ أإآي شيء من المنتدى


    البارحة جاني من الحب مرسال

    شاطر
    avatar
    احساس غير

    انثى عًدَدٌ ـآلمُسًآإهمـآإت ||~ : 52
    لتًقّيٍيِـِـِـِمٌ ||~ : 0
    نٍقـآإطٍـِـِيٌ ||~ : 73505
    تـٍـٍآريٍخِ التٍسـًـًـًجيل||~ : 30/08/2008

    default البارحة جاني من الحب مرسال

    مُساهمة من طرف احساس غير في الخميس نوفمبر 27, 2008 8:44 am

    ghku البارحه جاني من الحب مرسال

    البارحة جاني مـن الحـب مرسـال

    من عقب ما بينـي وبينـه خصيمـة



    وانا ترى في الحـب مانيـب فعّـال

    ولا بعـد ولّـع بقلبـي هشيـمـه



    ولا بعد غنّيت فـي ساعـة وصـال

    ولا بعد ذقـت الفـراق وجحيمـه



    ولا جرى دمعي على الخـد همّـال

    ولابعـد جربـت مــرّ الهزيـمـة



    حتى وردنـي تالـي الليـل جـوال

    وانا على شاهي وبسكـوت ديمـة



    الرقم بايخ لكـن الصـوت قتـال

    كنه مثل صـوت المذيعـة حليمـة



    قالت مساء الخير يـا طيّـب الفـال

    قلـت ارحبـي ترحيبـةٍ مستديمـة



    بالعود والصفـري ودلـة وفنجـال

    واجبك يا بنت الأصـول الكريمـة



    ردت بضحكة ثم قالت وش الحـال؟

    قلت اشهد إن الحال عقبك سقيمـة



    قالت وهي تضحك بعد مثل الأطفال

    وانـا بعـد كنـي بدونـك يتيمـة



    من يـوم قالتهـا تزلزلـت زلـزال

    من فجعتي كنـي مسـوي جريمـة



    قلت ارفعي صوتك ترى مابه ارسال

    كـذاب لكـنّ المصيبـة عظيمـة



    قالت أقول اسمع ترى هرجنـا طـال

    ممكـن تصاحبنـي ترانـي وسيمـة



    واسمي الحقيقي أول حروفـه الـدال

    لكـن يسمّونـي البنـات الزعيمـة



    صحيح أحب الفخفخة واعشق المال

    لكـن ترانـي طاهـرة مستقيـمـة



    ما عندي امغازل ولا (لعب يهّـال)

    ما عندي إلا في الشرف والحشيمـة



    بس الصراحة قلبي لشوفتـك مـال

    واصبحت وحدك جالسٍ في صميمه



    فكّر بعقلك واترك القيـل والقـال

    واحذر تطيع اهل العقـول العقيمـة



    وارسل علي الحين خمسميـة ريـال

    أشحن بهـا جـوال أختـي غنيمـة



    أو طقم غالي فيه خاتـم وسلسـال

    أروح بـه فـي عـرس ولاّ عزيمـة



    قلت الحقيقة مانيب رجـل أعمـال

    ولانـي بتاجـر والمـوارد عديـمـة



    أنا الصراحة شبـه عطّـال بطّـال

    وعلاقتـي بالفقـر جـداً حميـمـة



    والراتب الله يرحم الحـال مـا زال

    محـدود والمصـروف ربـي عليمـه



    والدين بـالآلاف والبنـك شغّـال

    ياكـل فلوسـي بالربـا والظليمـة



    والسوق طايح والغلا ضيّـق البـال

    والموت والله صايـر اكبـر غنيمـة



    قالت تحمّل بـس والحمـل ينشـال

    خلك شديد الباس صلـب العزيمـة



    ياخي تصرّف جعلك اتصيـر نشّـال

    أهـم شـي إن النوايـا سليـمـة



    لابد تفهمني علـى كـل الأحـوال

    ما دمت من أهل العقـول الفهيمـة



    قلت إيه والله فاهم اللي على البـال

    لكن تـرى هـذي علينـا قديمـة



    يا بنت هـذا صايـر اليـوم مـوال

    للي تبي تلعب علـى ابـن اللئيمـة



    يا بنت ما تدرين كـم فيـه محتـال

    يلعب على الحبلين وانتـي غشيمـة



    يا بنت كم من جاهلة دمعها سـال

    من عقب ما جات العواقب وخيمـة



    والبنت لا اقفى عرضها بيد الأنـذال

    والله مـا يبقـى لهـا أي قيـمـة



    قالت تبي ولاّ فخلّك علـى جـال

    مهوب ناقصـي نصايـح حكيمـة



    عز الله إنك للأسف منـت رجّـال

    وانك قليل الذوق ما فيـك شيمـة



    يا لعنبو اللي مـا يسطّـرك بنعـال

    حتـى يعلمـك الغـزل يـا بهيمـة



    ( تفو ) عليك وصكّت الخط في الحال

    مدري ( تفو ) هي مدح ولاّ شتيمـة
    هههههههه


    انشاء الله تعجبكم ولا تنسونا بلردود
    avatar
    candy

    انثى عًدَدٌ ـآلمُسًآإهمـآإت ||~ : 1372
    بًلًدُيَ||~ :
    لتًقّيٍيِـِـِـِمٌ ||~ : 6
    نٍقـآإطٍـِـِيٌ ||~ : 75315
    تـٍـٍآريٍخِ التٍسـًـًـًجيل||~ : 28/08/2008

    default رد: البارحة جاني من الحب مرسال

    مُساهمة من طرف candy في الأحد نوفمبر 30, 2008 10:22 am

    ههههههههههههه
    مشكوره على ها الخاطره مره تضحك
    ضحكه

    يسلموو قلبو


    _________________





    M!ss.Fashion

    انثى عًدَدٌ ـآلمُسًآإهمـآإت ||~ : 1180
    بًلًدُيَ||~ :
    الوٍسِآإمٌ ||~ :
    لتًقّيٍيِـِـِـِمٌ ||~ : 0
    نٍقـآإطٍـِـِيٌ ||~ : 73756
    تـٍـٍآريٍخِ التٍسـًـًـًجيل||~ : 29/08/2008

    default رد: البارحة جاني من الحب مرسال

    مُساهمة من طرف M!ss.Fashion في الجمعة ديسمبر 05, 2008 3:36 am

    ( تفو ) عليك وصكّت الخط في الحال

    مدري ( تفو ) هي مدح ولاّ شتيمـة

    هههههههههههههه
    تسلمي حبيبتي على الخاطره المضحكه
    يعطيكي ربي العافيه


    _________________

      الوقت/التاريخ الآن هو السبت سبتمبر 22, 2018 12:50 pm